Zərf qrammatik
mənasına görə hərəkətin tərzini,
zamanını, yerini, miqdarını bildirən əsas nitq hissəsidir. Zərflər daha çox feilin təsriflənən formaları ilə bağlı
olur. Məsələn: Maşın sürətlə gedir. Biz sabah kəndə
getməliyik. Təyyarə yuxarı qalxdı və s.
Zərflər feilin təsriflənməyən formalarına da aid ola bilir. Məsələn:
Mən sakit danışmağı xoşlayıram. Kişi
təəccüblə mənə baxaraq dedi. Ucadan danışan oğlan Turaldır və s. Bu
cümlələrdəki sakit, təəccüblə və ucadan zərfləri feilin təsriflənməyən formalarına-məsdər, feili
bağlama və feili sifətə aiddir.
